年青人的民意清晰！

喺岩岩過去嘅星期五(22/1)，爭取全民退休保障聯席開咗記招去公佈佢哋同香港理工大學社會政策研究中心合作，關於退休保障嘅民意調查，當中其中3條問題係問市民對全民退休保障嘅融資方法嘅睇法。

當中超過6成(63.5%)受訪者支持或者非常支持將部份MPF供款放入去全民退休嘅大水塘到，18-29歲嘅年齡組群嘅受訪者都有超過一半(54.4%)支持或者非常支持呢個做法。

另外，有接近9成(87.8%)嘅受訪者支持或者非常支持向有盈利嘅大企業加徵唔多於2%嘅利得稅用作全民退休，而18-29歲嘅年齡組群更加有超過9成(91.5%)嘅受訪者支持或者非常支持呢個做法。