哪一天我們會有全民退保？呢齣唔係導演黃修平嘅新戲，但相信講出唔少香港人心中嘅疑問。
退休保障公眾諮詢6月下旬結束，剩番兩個月最後衝刺階段，全民撐退保社福聯盟發起「18區萬人寫信撐退保」行動，希望集結唔同界別嘅力量，彰顯爭取全民退保嘅決心。仍然要相信，這裡會有想像，就連黃修平都力撐，呼籲大家一人一信，無非係想大家，為世界美好多一點，付出所有。
聯盟會喺5月2日喺全港18區設100個街站，向公眾講解全民退保嘅重要性，仲會收集對退保改革意見，目標係收集1萬份意見書，並交給扶貧委員會。唔好睇少呢一人一信，中大同港大民意調查都顯示，支持同反對全民退保嘅民意都非常接近，唔係一面倒。哪一天香港人可安享晚年？就睇你手上一信。