拾荒現象，也反映社會實況。香港環保廢料再造業總會會長劉耀成14、15歲已入行，「坦白講，以前冇咁多阿婆出嚟執紙皮，最多都係60多歲，而家70歲又有，80幾歲都有，年紀越嚟越老」；他經營的回收店曾有一名「客仔」更年屆101歲，「兩年冇嚟，可能已經唔喺度」。他認為，拾荒者越趨老年化，反映晚年生活欠保障。
從事廢紙回收逾40年的劉耀成，以前做「（口靚）仔」時已覺50、60歲的拾荒者很老，沒想到自己年近花甲，賣紙皮的長者會更老，「可能生活壓力，錢唔夠使，60歲執到80歲，見仲行得就繼續執落去」。他估計部份年長拾荒者多是兩老獨居，一老照顧一老，「如果有仔女，知道都唔畀佢哋執，始終危險，車又多」。
紙皮有價，昔日長者佔多，今天多了一批新力軍。劉耀成說，近年不少工廠大廈或寫字樓的清潔工變賣紙皮，當幫補收入。打開門口做生意，一賣一買，萍水相逢，但劉耀成偶爾也會跟婆仔閒聊幾句，「關係唔錯，有講有笑」。他笑言，越是年老的長者，數口越精，「有時四捨五入佢唔鍾意，我哋都會畀多佢，費事佢囉嗦，哈哈」。
拾荒有助社會減廢，具環保功能，劉耀成很認同，也支持拾平台倡議，認為政府應制定友善政策，「我由細到大都接觸唔少阿公阿婆，係比較同情佢哋。如果幫到佢哋爭取好啲嘅待遇、福利，我都會支持」。